Lauga

Ég er tölvunarfræðingur að mennt með yfirgripsmikla reynslu af vefstjórn, þjónustu og verkefnastjórn.

Í vetur stunda ég nám fyrir hádegi, og samhliða því vinn ég sjálfstætt að vefverkefnum eftir hádegi fyrir fyrirtæki og einstaklinga sem sækjast eftir faglegri aðstoð.

Þetta getur verið í formi stuttra afmarkaðra verkefna, svo sem að setja inn efni á vefi, færa vefefni af eldri vef yfir á nýjan, skrá inn vörugögn, setja upp lítinn vef o.fl.

Einnig má gera samninga um langtímaverkefni sem tengjast reglulegu viðhaldi á efni eða vörugögnum.

Ég get sinnt verkefnum í fjarvinnu eða komið inn á vinnustað sem verktaki, allt eftir því hvað hentar best. Ég get nýtt seinnipartinn vel í verkefnavinnu, vinn hratt og skipulega og legg áherslu á skýr samskipti og skilvirka ferla.

Ásamt tæknilegri færni hef ég sterkan grunn í myndlist og skapandi vinnu (sjá www.laugaart.com). Ég er mikill fagurkeri með auga fyrir fallegum og faglega uppsettum vefum og vefefni.

Sem stendur starfa ég á eigin kennitölu á Íslandi.

Starfsreynsla

  • Fjarvinna og vefverkefni fyrir ýmsa viðskiptavini, t.d. uppsetning vefsíðna, viðhald, ráðgjöf og innsetning vörugagna.

    Dæmi:

  • Bar ábyrgð á vefum og stafrænum miðlum Veritas samstæðunnar (Veritas, Distica, Artasan, Vistor, Medor og Stoð). Kom upp nýrri síðu í eigu Artasan, www.Velvera.is og kláraði innleiðingu inRiver PIM vöruumsjónakerfis. Kom upp nýrri vefverslun fyrir Stoð, www.stod.is.

  • Fjölbreytt og viðamikil verkefni á markaðssviði og í vefteymi. Annaðist uppsetningu, viðhald og rekstur á vef BYKO auk umsjónar með samfélagsmiðlum og markpósti. Stýrði innleiðingu á inRiver PIM vöruupplýsingakerfi og sá um innsetningu og viðhald vörugagna í inRiver.

  • Verkefnastýrði þjónustuteymi sem sinnti fyrstu þjónustu og minni verkefnum við veflausnir. Leiðbeindi nýjum viðskiptavinum á Eplica vefumsjónarkerfið, framkvæmdi prófanir á veflausnum og sinnti ýmissi innri þjónustu.

Menntun

  • Heilsunuddbraut

    • Fjarnám 2024 - 2026

    • Verð í verknámi á Íslandi fyrir hádegi veturinn 2026 - 2027

  • Stærri akademíur og námskeið:

    • 2019 Japan Academy - leiðtogaakademía í Japan

    • 2012 Nordic Academy - leiðtogaakademía í Eistlandi

    • 2008 Ræða I - 6 vikna ræðu- og framkomunámskeið

    Styttri námskeið og akademíur

    • Fundastjórnun og ritun

    • Verkefnastjórn

    • Viðburðastjórn

    • Hópavinna

    • O.m.fl.

  • B.Sc í Tölvunarfræði

  • Stúdentspróf, Hagfræðabraut, tölvulína

  • Hagfræðabraut

Myndlist

  • Framhalds - örsýning á verkunum frá Where is my mind sýningunni.

    Sýning haldin í JCI húsinu á Menningarnótt, 22. ágúst, 23. ágúst og 24. ágúst.

  • Myndlistasýning á Kulturdugnad, menningardögum í Gamvik, Noregi 27. júlí - 2. ágúst 2026

    Um sýninguna

  • Myndlistasýning á tveimur stöðum - samsýning með eldra barni mínu (þá 15 ára)
    - 15.-18. ágúst - Litla gallerý Hafnarfirði
    - 25. ágúst - Menningarnótt - JCI húsið Reykjavík

    Lesa um sýninguna

Félagsstörf

JCI 2008 - 2022

JCI eru félagasamtök fyrir fólk 18-40 ára sem vill efla leiðtogahæfileika sína og hafa jákvæð áhrif. Í JCI öðlaðist ég fjölbreytta og víðtæka starfsreynslu og leiðbeindi einnig mikið innan félags og utan. Ég var útnefnd senator (ævifélagi) árið 2015 fyrir óeigingjörn störf í þágu félagsins. Öll vinna í félaginu er sjálfboðavinna og greidd eru félagsgjöld.

Leiðbeinendastörf fyrir JCI:

Fundaritun, Ræða I, Íslenska Akademían (leiðtogaþjálfun innan JCI), Leiðtogaskóli LUF (Landssamband Ungmennafélaga). Auk þessa var fjöldi sérsmíðara námskeiða og vinnustofa innan félags og utan.

Ferill í JCI:

  • 2021: Fráfarandi landsforseti (sæti í landsstjórn)

  • 2021: Verkefnastjóri Framúrskarandi ungra Íslendinga (www.framurskarandi.is)

  • 2020: Landsforseti

  • 2019: Viðtakandi landsforseti (sæti í landsstjórn)

  • 2018: Gjaldkeri JCI Esju (aðildarfélag JCI)

  • 2017: Varalandsforseti

  • 2016: Verkefnastjóri Framúrskarandi ungra Íslendinga

  • 2014 og 2015: Verkefnastjóri upplýsingateymis JCI

  • 2013: Landsritari

  • 2011: Forseti JCI Esju

  • 2009: Landsþingsstjóri (skipuleggja landsþing)